ជនជាតិចិនចំនួន ០៤នាក់ បន្លំខ្លួនតាមរថយន្តតាក់សុី ត្រូវកងរាជអាវុធហត្ថស្រុកពួក ឃាត់បញ្ជូនឱ្យស្នងការដ្ឋាន នគរបាលខេត្តសៀមរាប!
សៀមរាប : កាលពីថ្ងៃទី១៧ ខែកក្កដា ឆ្នាំ២០២៥ កម្លាំងមូលកងរាជអាវុធហត្ថស្រុកពួក និងកម្លាំងការិយាល័យជំនាញកងរាជអាវុធហត្ថខេត្តសៀមរាប បានឃាត់ខ្លួនជនជាតិចិនចំនួន ០៤នាក់ ពាក់ព័ន្ធករណីឆ្លងដែនខុសច្បាប់ (គ្មានលិខិតឆ្លងដែន) ពីប្រទេសឡាវ មកកម្ពុជា ដោយបានឆ្លងកាត់មកដល់ខេត្តសៀមរាប ក្នុងគោលបំណងឆ្ពោះទៅខេត្តផ្សេងៗ លុះមកដល់ចំណុច ភូមិពួកចាស់ ឃុំពួក ស្រុកពួក ខេត្តសៀមរាប ត្រូវបានឃាត់ខ្លួន និងអនុវត្តតាមនិតិវិធី ។ * បច្ចុប្បន្ន ជនជាតិចិនទាំង ០៤នាក់ ត្រូវបានកងរាជអាវុធហត្ថខេត្តសៀមរាប សហការបញ្ជូនទៅស្នងការដ្ឋាន នគរបាលខេត្តសៀមរាប…